સુનીલ છેત્રીએ કરી સંન્યાસની જાહેરાત ભારતીય ફૂટબોલ ટીમના કેપ્ટને કહ્યું કે , 6 જૂને કુવૈત સામે થનારા ફીફા વર્લ્ડ કપ બાદ તે અલવિદા કહેશે
- 16 May, 2024
ભારતીય સ્ટાર ફુટબોલર સુનીલ છેત્રીએ ગુરુવારે 16 મે એ આંતરરાષ્ટ્રીય ફુટબોલથી સંન્યાસ લેવાના પોતાના નિર્ણયની જાહેરાત કરી છે. ભારતીય ફૂટબોલ આઇકોન સુનીલ છેત્રીએ ગુરુવારે 6 જૂને કોલકાતામાં કુવૈત સામેની ફિફા વર્લ્ડ કપ ક્વોલિફાઇંગ મેચ બાદ આંતરરાષ્ટ્રીય ફૂટબોલમાંથી નિવૃત્તિ લેવાનો નિર્ણય જાહેર કર્યો, જેનાથી બે દાયકાની શાનદાર કારકિર્દી પર પડદો પડશે . લાંબા સમયથી સેવા આપતા રાષ્ટ્રીય ટીમના કેપ્ટને તેની જાહેરાત કરી. તેણે તેના સોશિયલ મીડિયા એકાઉન્ટ્સ પર પોસ્ટ કરેલા એક વીડિયો દ્વારા નિર્ણય લીધો. ભારત હાલમાં ગ્રુપ Aમાં ચાર પોઈન્ટ સાથે બીજા ક્રમે છે, જે લીડર કતારથી પાછળ છે.
39 વર્ષીય આ ભારતીય ફુટબોલરે 12 જૂન 2005એ પાકિસ્તાન સામે આંતરરાષ્ટ્રીય ડેબ્યૂ કર્યું અને આ મેચમાં ભારત માટે પોતાનો ગોલ પણ દાગ્યો હતો. સુનીલ છેત્રીએ 20 વર્ષના કરિયરમાં ભારત માટે 145 મેચ રમી છે જેમાં તેમણે 93 ગોલ કર્યાં છે. છેત્રીએ માર્ચમાં ભારત માટે તેનો 150મો દેખાવ કર્યો હતો અને ગુવાહાટીમાં અફઘાનિસ્તાન સામે આ પ્રસંગે ગોલ કર્યો હતો. જો કે ભારત તે મેચ 1-2થી હારી ગયું હતું. કુવૈત સામેની મેચ તેની છેલ્લી છે,છેત્રીએ નિવૃત્તિના નિર્ણયની જાહેરાત કરતી વખતે કહ્યું હતું . સુનીલ છેત્રી ભારતના ઓલ ટાઈમ હાઈ સ્કોરર અને સૌથી વધુ કેપ્ડ ખેલાડી તરીકે ઈન્ટરનેશનલ ફુટબોલને અલવિદા કહેશે. તે એક્ટિવ ખેલાડીઓમાં સૌથી વધુ ગોલ કરવાના મામલે લીજેન્ડ ક્રિસ્ટિયાનો રોનાલ્ડો અને લિયોનેલ મેસ્સી બાદ ત્રીજા સ્થાને છે.
ભારતીય ક્રિકેટ કંટ્રોલ બોર્ડ (BCCI) એ સુનીલ છેત્રીના આંતરરાષ્ટ્રીય ફૂટબોલમાંથી નિવૃત્તિ લેવાના નિર્ણય વિશે ટ્વિટ કર્યું છે. બોર્ડે લખ્યું, "તમારી કારકિર્દી અસાધારણથી ઓછી રહી નથી અને તમે ભારતીય ફૂટબોલ અને ભારતીય રમતો માટે અસાધારણ આઇકોન છો."
છેત્રીએ નિવૃત્તિની જાહેરાત કરતા પોતાના ડેબ્યૂથી લઈને સમગ્ર કરિયરને યાદ કર્યું. તે આ દરમિયાન ખૂબ ઈમોશનલ પણ જોવા મળ્યો. 9 મિનિટનો આ વીડિયો ભારતીય કેપ્ટને એ લખીને પોસ્ટ કર્યો કે હું તમને કંઈક કહેવા માગુ છુ....અને ત્યારબાદ કરી નિવૃત્તિની જાહેરાત ..
ભારતીય કેપ્ટને પોતાના કરિયરમાં કુલ 6 વખત એઆઈએફએફ પ્લેયર ઓફ ધ યર પુરસ્કાર જીત્યો. આ સિવાય 2011માં અર્જુન પુરસ્કાર અને 2019માં પદ્મ શ્રી પુરસ્કારથી તેને સન્માનિત કરવામાં આવ્યો. આંતરરાષ્ટ્રીય મંચ પર, છેત્રી એએફસીમાં ખિતાબ જીતનારી ભારતીય ટીમનો ભાગ રહ્યો છે. 2008માં ચેલેન્જ કપ, 2011 અને 2015માં SAFF ચેમ્પિયનશિપ, 2007, 2009 અને 2012માં નેહરુ કપ, સાથે જ 2017 અને 2018માં ઈન્ટરકોન્ટિનેન્ટલ કપ.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ